Patay na sang nasapwan ang 21 anyos nga caretaker sang manokan sa Barangay Ibaca, President Roxas, Capiz.
Ginkilala ang biktima kay Jimmy Boy Perez, kag residente sang nasambit nga lugar.
Ba-se sa inisyal nga imbestigasyon sang mga kapulisan nga mismo ang tag-iya sang manokan nga si Relin Bunayon ang nakakita sa biktima nga nagahigda sa iya nga payag kag nagapaligo sa kaugalingon nga dugo, nga may yara sang pilas sa idalom sang iya nga baba.
Narekober naman sa ginluntaran sang insidente ang isa ka .38 calibre revolver nga may yara sang tatlo ka mga bala kag isa ka basiyo sa sulod sang cylinder sang nasambit nga armas luthang.
Gilayon nga gindala sa Bailan District Hospital ang biktima apang gindeklarar nga dead on arrival sang attending physician.
May tatlo ka mga motibo nga ginasunod ang kapulisan sa kamatayon ni Perez kalakip diri ang ginaalegar accidental firing, may yara sang nagluthang sa biktima ukon ginluthang ang iya nga kaugalingon.
