Ginpatuman sang Bureau of Fisheries and Aquatic Resources (BFAR) Western Visayas ang tatlo ka bulan nga fishing van sa Visayan Sea para hatagan sang tion nga makapadamo ang fish species sa lugar.
Ang closed fishing season nga ginhingadlan “Pahuway sang Baybay” magasugod sa Nobyembre 15, 2026 tubtob Pebrero 15, 2027 nga nagadumili sa pagpangisda, pagbaligya kag pagbakal sang pila ka klase sang sardinas, herrings kag mackerels sa gindesignar nga fishing grounds.
Sa interview sang Bombo Radyo kay Carles, Iloilo Mayor Arnold Tan Betita II, iya ginpahayag nga nagalakip sang 25% sang Visayan Sea ang katubigan sang ila banwa.
Suno kay Betita, importante ang pagpangisda sa pangabuhi sang mga pumuluyo sang Carles kag may yara sang kilala nga mga nga isla pareho sang Gigantes kag Sicogon.
Dugang pa sini, ginalauman nga paagi sa tatlo ka bulan nga pagpahuway sang pagpangisda, makapadamo liwat ang mga isda kag mas madamo ang makuha sang mga mangingisda sa tion nga matapos na ang closed fishing season.











