Nakuha ni Carlos Yulo ang una nga gold medal sang Pilipinas sa 20th Asian Games matapos magdaug sa men’s floor exercise final sa Nagoya City General Gymnasium.
Si Yulo naka-iskor sang 14.666 agud makuha ang gold medal, samtang silver naman si Milad Karimi sang Kazakhstan kag bronze naman si Shoma Tsukiyama sang Japan.
Samtang ang iya manghod nga si Karl Eldrew Yulo ang naka-score sang 12.223 points kag nagtapos sa ika-pito nga pwesto sa iya debut sa Asian Games.
Ini ang pinakauna nga medal sang Pilipinas sa Asian Games sa artistic gymnastics kag isa pa ka daku nga kadalag-an para kay Yulo, kasunod sang iya duha ka bulawan nga medalya sa 2024 Paris Olympics.
Suno kay Yulo, nalipay siya sa iya una nga gold medal sa Asian Games kag luyag sini nga dal-on pauli kag ipaambit ang kadalag-an sa mga Pilipino.
Target ni Yulo ang iya ikaduha nga gold medal sa vault subong nga adlaw, samtang magapaindis-indis siya sa parallel bars final kag ang iya utod nga si Eldrew Yulo ang magapaindis-indis sa horizontal bars final.
