Cash remittance sang mga OFW, naglab-ot sa $3.240 billion sa bulan sang Hulyo 2026 — BSP

Naglab-ot sa $3.240 billion sang bulan sang Hulyo ang cash remittances ukon kwarta nga ginpadala sang mga overseas Filipinos suno sa Bangko Sentral ng Pilipinas.

Mas mataas ini kun ipaanggid sa $3.039 billion nga narekord sang Hunyo.

Ini ang pinakamataas nga remittances sa una nga pito ka bulan sang tuig, kag amo man ang pinakamataas halin sang Disyembre 2025 nga naglab-ot sa $3.522 billion.

Samtang, ang kabug-usan nga cash remittances naglab-ot sa $20.389 billion halin sang Enero tubtub Hulyo sini nga tuig, mas mataas sa $19.932 billion sang nagligad nga tuig.