Padayon nagtaas ang mga cash remittances gikan sa mga Overseas Filipino Workers (OFWs) nga naglab-ot sa US$2.98 billion sang Agosto 2025, mas mataas sa 3.2% kon ipaanggid sa US$2.89 billion sang Agosto tuig 2024.
Ang mga land-based OFWs ang nag-amot sang US$2.35 bilyones samtang ang mga sea-based workers ang nag-amot sang US$626 milyones.
Sa kabug-usan halin Enero tubtob Agosto 2025, ang mga remittances nagsaka sa US$22.91 billion, halin sa US$22.22 billion sang nagligad nga tuig.
Ang Estados Unidos,nagpabilin nga nagapanguna nga ginahalinan sang remittances, ginsundan ini sang Singapore kag Saudi Arabia.
Bangod sang pagtaas sang cash remittances, ang personal nga remittances nagtaas man sa US$3.31 billion halin sa US$3.20 billion sang Agosto tuig 2024.
Sa kabilugan, ang personal nga mga remittances naglab-ot sa US$25.51 billon halin Enero tubtob Agosto 2025, nga nagtaas sang 3.1% kon ipaanggid sa amo man nga panahon sang tuig 2024.
