Sa pag-atubangay ni Cassandra Li Ong sa pagsinapol sa senado, nagpanindugan ini nga wala siya sang kaangtanan sa illegal nga operasyon sang POGO sa pungsod kag ang real estate lamang ang iya negosyo.
Aminado man ini nga incorporator siya sang Whirlwind Corporation apisar nga nagarenta lamang sa ila ang Lucky South 99 sa Porac, Pampanga.
Nagpaiway man si Ong nga magsabat sang una ini nga ginpamangkot sang mga mamalidha apang sang nagdugay na nagsabat ini matapos nga ginpasakaan sang ika-duha nga contempt order.
Suno kay Ong, karelasyon siya ni Wesly Guo nga utod ni dismissed Bamban, Tarlac, Mayor Alice Guo.
Matandaan nga isa lamang ang nagapanag-iya sang Whirlwind kag Lucky South 99 samtang ang Lucky South 99 ang una nga naka-rehistro sa Securities and Exchange Commission.
Sa pihak sini, ginklaro man ni Ong nga indi sila malapit ni Alice Guo sa pihak nga utod ini sang iya nobyo nga si Wesly Guo.
