-- ADVERTISEMENT --
Nasaylo na sa presohan, si Cassandra Ong, ang ginapahayag incorporator sang Whirlwind Coporation kag representative sang Lucky South 99.
Suno kay House Secretary General Reginald Velasco, miyerkules sang hapon sang ginbalhin si Ong sa women’s correctional sa Mandaluyong.
Matandaan nga sadtong nakaligad nga hearing sang Quad Committee, liwat nga ginpa contempt sang komite si Ong bangud sa indi pagsugid sang matuod sa kun sa diin nga ekwelahan siya nagtapos sang ALS ukon alternative learning system.
Pero imbes nga sa detention facility sang Kamara, sa women’s correctional facility na siya mapreso.
Gintapos danay ni Ong ang una sini nga contempt order nga 30 ka adlaw nga detention sa Kamara nga nagtapos kagapon, bag-o nasaylo sang pasilidad.
-- ADVERTISEMENT --
