Nabalhin na sa Correctional Institution for Women (CIW) si Katherine Casandra Ong.
Ginkumpirmar ini ni House of Representatives Secretary General Reginald Velasco apang, magapabilin gihapon sa ila ang jurisdiction bilang isa ka resource person.
Pagasugtan man ini nga mag gamit sang cellphone bangud indi pa ini convicted apang wala ini nalakip sa mga inmates tungod sa pagpanghadlok sa kabuhi sini.
Matandaan, sang Setyembre 10 sa ika-anom nga quad-committee hearing ang gin-aprubahan sang mga ini nga motion nga ma-contempt si Ong.
Masami sini nga ginalikawan ang mga pamangkot sang mga mamalidha natuhoy sa educational background sini.
Ini na ang pangtatlo nga contempt order batuk kay Ong nga ang una, bangud sa indi sini pagtambong sa hearing kag ang ikaduha, ginbawi man matapos magpromisa nga ini ang mgabulig na sa ginahiwat nga imbestigasyon.
Nagapati ang mga mamalidha nga si Ong ang isa ka importante nga resource person sa ginahiwat nila nga imbestigasyon angut sa Philippine offshore gaming operator (Pogo) hub sa Porac, Pampanga.
Matandaan nga nag-ubra si Ong sa Whirlwind kag Lucky South 99. May 58 percent nga share si Ong sa Whirlwind nga ginaparentahan ang duta sa Lucky South 99 nga isa ka POGO hub.
