Madali nalang matapos ang cassock nga isuksok sang masunod nga Santo papa nga ginatahi sa tatlo ka nagkalainlain nga kadakuon.
Ini ang panguna nga ginahimo sang Mancinelli Clergy, ang iconic nga balaligyaan nga panguna nga nagadumala sang eklesiastiko nga pagtahi sa Roma. Ang bantog nga mananahi nga si Raniero Mancinelli gintugyanan sa pagdumala sang paghimo sang suksukon sang masunod nga papa.
Ginhimo man ni Mancinelli ang mga cassocks nanday John Paul II, Benedict XVI, Pope Francis, kag ang masunod nga papa amo ang ikaapat sa iya listahan.
Sa isa ka interbyu kay Mancinelli, ginpasalig niya nga matapos ini sa pagsugod sang conclave.
Suno sa iya, kun may yara sang saint pope nga pagapilion sa una nga adlaw sang conclave, sigurado nga may yara sang cassock nga handa nga isuksok sang masunod nga lider sang Simbahan Katoliko.
Sa pagsugod sang conclave, isa ka daku, isa ka gamay, kag isa ka medium agud may bastante nga mga kapilian.
Nalipay man si Mancinelli nga gintangdo sia nga manguna sa pagtahi sang mga cassocks nga una nga ginsuksok sang bag-o napilian nga papa. Suno sa iya dako nga kadungganan ang mag-alagad sa tatlo ka nagligad nga mga papa, lakip na ang ika-apat ukon ang magabulos sa nagtaliwan nga si Pope Francis.
