Naghatag sang suhestyon ang cause-oriented group kay Vice President Sara Duterte matapos gin-anunsyo ang iya Presidential Bid sa 2028 elections.
Sa interview sang Bombo Radyo kay Mr. Elmer Forro, Secretary General sang Bayan Panay, iya ginpahayag nga ang malala nga track record ni Vice President Duterte, lakip na ang issue sang Confidential fund, issue bilang Department of Education Secretary kag iban pa ang dapat sini nga sabton kag hatagan igtalupangod antes sang iya kaugalingon nga ambisyon.
Suno kay Mr. Forro, sa tion nga magdaog si Duterte sa pagka-presidente, posible nga mangin Malala pa ang sitwasyon sang pungsod, nga mas masobra pa sa termino sang iya amay nga si former president Rodrigo Duterte.
Pahayag niya, posible nga magatimalos lang ang bise presidente sa tion nga ma-eleher ini sa 2028.
Dugang pa sang nantungdan, nagakadapat nga wala sang mantsa sa korapsyon ang mangin masunod nga presidente sang Pilipinas.
