Nagapati ang Cause-oriented groups nga may negatibo nga epekto ang pagpatuman sang four-day work week sa mga empleyado.
Sa interview sang Bombo Radyo kay Elmer Forro, Secretary General sang BAYAN Panay, iya ginpahayag nga kun apat lang ka adlaw ang trabaho, makabaton man sang apat ka adlaw nga sweldo ang empleyado.
Suno sa iya, imbes nga mabuligan ang mga empleyado, mas mabug-atan pa gid sila bangud mabuhinan ang ila sini income.
Dugang pa sini, importante nga balansehon sang gobyerno ang pagpatuman sang apat ka adlaw nga work week agud indi mabug-atan ang mga empleyado kag masiguro nga indi maapektuhan ang ila ikaayong lawas.
Magluwas sina, ginpanindugan man sini nga dapat suportahan sang gobyerno ang mga apektado nga empleyado pinaagi sa ayuda kag subsidiya, kag gamiton ang kinawat nga pondo sang gobyerno sa pagbulig sa mga nagakinahanglan sa panahon sang krisis.
Pahayag pa sini, kinahanglan man nga repasuhon ang regulasyon sang mga bag-o nga kompaniya nga nagabaligya sang salakyan, nga nagatuga sang mas mataas nga konsumo kag dugang nga palas-anon sa mga pumuluyo.
Gina-engganyo man sini ang gobyerno nga bag-uhon ang sistema sang pulitika kag magpatuman sang mas epektibo nga solusyon sa mga problema sang pungsod agud man nga makabenepisyo ang tanan, ilabi na ang mga empleyado kag ordinaryo nga mga pumuluyo.
