Liwat naman nga ginsuspende si Cavite 4th District Representative Kiko Barzaga sang 60 ka adlaw nga wala sang sweldo kag allowance.
Sa ginhiwat nga survey, 238 ang nagboto pabor kag 10 ang wala nag-ugyon kag Siyam ang nag-abstain para sa pag-adopt sang Findings kag mga rekomendasyon sang Committee on Ethics and Privileges.
Sa bahin ni Barzaga, ginpahayag sini nga naanad na siya sa paghimo sang maayo para sa mga pumuluyo.
Dugang pa niya, ang Kongreso dapat magtutok sa iban nga mga butang kag indi sa sini nga butang.
Ginpahayag sini nga wala siya sang paghinulsol sa iya ginhimo nga posting sa iya social media nga nagresulta sa iya pagka-suspend.
Matandaan nga ang una nga 60 ka adlaw nga suspension ni Barzaga ang gintunaan sang iya akusasyon nga nagbaton sang kwarta ang iya anay kaupod sa National Unity Party gikan sa negosyante nga si Enrique Razon sadtong Hulyo 2025 agud pabaskugon ang suporta kay Leyte Rep. Martin Romualdez.
Sang nagligad nga adlaw nag report liwat si Manila 2nd District Rep. Rolando Valeriano ang indi nagakaigo nga pagginawi ni Barzaga ang nagresulta sa pagpasaka sang cyber libel ni Valeriano; Antipolo 1st District Rep. Ronaldo Puno kag Razon.
Gin-akusahan man ni Barzaga ang nagtaliwan nga Antipolo 2nd District Rep. Romeo Acop nga may kahilabtanan ini sa flood control corruption apang wala ini sang ginhatag nga ebidensya.
