Cavs, nagapabilin nga undefeated sa kartada nga 10-0

Dalayon ang pagpamayagpag sang Cleveland Cavaliers sa regular season matapos tambakan ang Golden State Warriors, 136 – 117.

Bangud sini , hawid na sang Cavs ang 10 – 0 win/loss record.

Ang Cavs ang grupo sa NBA nga nagbulsa sang nasambit nga record sumugod sadtong mula mahimo ini sang Warriors sadtong 2015 – 2016 season.

Daw kaangay nagpista ang Cavs sang tambakan ang Warriors sang 39 big points sa pagtapos sang 1st half sang hampang.

Ginpilit man sang Warriors nga bumangon sa 3rd quarter kag gilayon nga nagsulod sang 41 ka puntos batuk sa  29 ka puntos sang Cavs.

Rason nga, masyado dako na ang diperensya sang Cavs agud malagas sang Warriors sa pagtapos sang hampang.