Gin-engganyo ni Senate Minority Leader Alan Peter Cayetano ang publiko nga magpamati sa ika-lima nga State of the Nation Address (SONA) ni President Ferdinand Marcos Jr. kag i-evaluate ang mensahe sini base sa kaundan.
Suno kay Cayetano importante nga pamatian sang tanan ang report sang Presidente agud mahibaluan ang matuod nga estado sang pungsod kag plano sang administrasyon.
Dapat suno sa iya ang mga nagasuporta kag nagapamatuk sa administrasyon dapat maglantaw man sang SONA.
Ginpahayag man ni Cayetano nga pagkatapos sang SONA, maga-release siya sang malip-ot nga vlog kon sa diin i-share niya ang iya analysis sa speech sang presidente, lakip na ang mga bahin nga iya gina-ugyunan kag ang mga isyu nga sa banta niya dapat tutukan.
Dugang pa sang senador, kabahin sang pagpalangga sa pumuluyo amo ang mangin aware kag may bastante nga ihibalo sa mga importante nga isyu nga gina-atubang sang pungsod, gani importante nga mangin kritikal sa mga programa kag direksyon sang gobyerno.
