Ginpanindugan ni Senator-Judge Alan Peter Cayetano nga daw kaangay may yara sang pagtinguha nga pahugon siya kasunod sang paglunsyar sang National Bureau of Investigation’s (NBI) sang imbestigasyon sa ginaalegar mga iregularidad sa tion sang 2019 Southeast Asian Games, isa ka event kon sa diin siya ang nagserbe bilang chairman sang Philippine SEA Games Organizing Committee.
Kadungan sini, ginpahayag ni Cayetano nga indi siya magpadala sa anuman nga sahi sang pressure kag magapabilin nga nakatutok sa iya katungdanan bilang senador-judge sa impeachment trial.
Ginhatagan man importansya sang senador ang iya handum nga ang impeachment proceedings ang magserbe nga pamatuod nga nagapanghikot ang Konstitusyon kag nagapangibabaw ang rule of law, sa pihak sang magkatuhay nga panan-awan sa pulitika.
Suno kay Cayetano, importante gid nga ipakita sa publiko nga ang tagsa ka tikang sang impeachment trial nabase sa kasuguan kag nagakaigo nga proseso, kag hilway sa anuman nga impluwensya sa guwa.
