Ginpanindugan ni Senator-Judge Alan Peter Cayetano nga wala sang iligal sa pag-encash sang Office of the Vice President (OVP) sang apat ka tseke nga nagabalor sang kabug-usan nga P125 million sa tuig 2022 tubtub 2023.
Ini matapos ginpahayag ni Land Bank witness nga si Violeta Constantino nga “unusual” ang daku nga kantidad sang kwarta nga gin-encash sang OVP sa pagpadayon sang impeachment trial.
Sa hearing, ginpahayag ni Cayetano nga indi awtomatiko nga makabig nga illegal ang isa ka transaksyon bangud lamang nga tumalagsahon ini.
Ginpamangkot man sini ang testigo kun nahangpan sini ang konsepto sang confidential funds sa gobyerno.
Ginpakigbahin man ni Cayetano ang iya eksperyensya bilang isa ka anay secretary sang Department of Foreign Affairs (DFA), kon sa diin kinahanglan nila nga mag-withdraw sang daku nga kantidad para sa pagsabat sa kalamidad, kadungan sang pahayag nga, “Just because it’s unusual, it doesn’t mean it’s illegal.”
