-- ADVERTISEMENT --
Ginpasalig naman ni Senator-Judge Alan Peter Cayetano nga wala siya nahadlok sa ginapatigayon nga imbestigasyon sang National Bureau of Investigation (NBI) angot sa ginaalegar iregularidad nga may kaangtanan sa P50-million nga cauldron nga gingamit sang 2019 Southeast Asian Games.
Ini nga pahayag ginhimo ni Cayetano sa ika-anum nga adlaw sang impeachment trial ni Vice President Sara Duterte kadungan sang isa ka manifestation nga iya ginpresentar sa impeachment court.
Suno sa senador, handa ini nga atubangon ang anuman nga imbestigasyon, basta patas kag suno sa kasuguan ang ginapatigayon.
Matandaan nga nagserbe nga chairman sang Philippine SEA Games Organizing Committee si Cayetano sang ginpatigayon ang 2019 SEA Games sa Pilipinas.
