Kalakip si Kalookan Bishop kag Catholic Bishops’ Conference of the Philippines (CBCP) president Virgilio David sa 21 ka napili ni Pope Francis nga mangin bag-o nga cardinals sang Simbahang Katolika.
Ginpatigayon sang Santo Papa ang anunsiyo sa iya misa sa Vatican.
Pagahiwaton ang installation sang bag-o nga appoint nga cardinals ukon ginatawag nga consistory sa palaabuton nga Disyembre 8 bag-o ang pagbukas sang Jubilee Year sang 2025.
Ini na ang pang-10 nga consistory nga ginhiwat sang Santo Papa sa sulod sang 11 ka tuig niya nga pagserbisyo.
Sumugod pa sadtong 2016 nangin obispo na sang Diocese of Kalookan nga naghalin sa pagiging auxiliary bishop sang Archdiocese sang San Fernando sa Pampanga.
Tuig 2019 sang makuha ni David ang suporta ni Pope Francis bangud sa nabaton sini ang mga pagpaandam nagikan sa pagbatikos niya sa war on drugs ni anay Paresidente Rodrigo Duterte.
Ginbun-ag siya sa Betis, Guagua sa probinsya sang Pampanga si David nga nangin kilala nga Bible scholar.
Naangkon sini ang licentiate kag doctorate sa Sacred Theology nagikan sa Catholic University of Louvainsav Belgium kag bachelor’s degree sa Pre-Divinity nagikan sa Ateneo kag master’s degree sa Theology sa Loyola School of Theology.
Ang mga Cardinals ang tradisyonal nga ginatawag bilang “princess of the Church” nga nagaserbe bilang advises sa Santo Papa. Pero ang ginapatrabaho nila amo ang nagtambong sa conclave kun sa diin sila magaboto sang bag-o nga Santo Papa pananglitan magtaliwan ukon abdication na sang Santo Papa.
