Ginpaguha sang Department of Trade and Industry (DTI) ang bag-o nga Department Order No. 24-172, s. 2024 nga ibawal ang single-use plastic sa bug-os nga DTI offices kag ila nga mga pasilidad.
Gindayaw naman sang Climate Change Commission (CCC) ang ini nga tikang sang ahensya kag nagapati ang ahensya nga ini ang nakatalana sang standard angut sa kun paano ang ahensya makabulig sa pagbato sa polusyon, protektahan ang marine ecosystems kag sa pag-iban sang mga carbon footprints sang mga government agencies.
Ginganyat man sang komisyon ang iban pa nga mga ahensya na masunod sa mga kasubong nga lakaron agud makabulig sa pag-iban sang epekto sini sang climate change.
Ang Climate Change Commission (CCC) ang policy-making body sang gobyerno pag-abot sa mga tikang sang mga ahensya sang gobyerno sa ila climate actions.
