Hugot nga ginpanginwala sang CCM Film Productions ang mga sala nga report nga nagalapta angot sa ginaalegar kamatayon sang beterano nga aktor nga si Dante Rivero, kag nagpasalig nga buhi pa ini kag aktibo pa sa pag-tape sang isa ka serye sa telebisyon.
Sa isa ka opisyal nga pahayag gikan sa Production Company sang Sabado, Hulyo 19, ginpahayag nila nga si Rivero ang biktima sang isa ka death hoax, kag nga ang nagalapta nga mga litrato kag video mga peke ukon fake news.
Naghingyo man ang kompaniya sa publiko nga untatan na ang pagpalapta sang indi matuod nga impormasyon sa social media.
Si Rivero ang naga-arte subong bilang Gustavo Guerrero, isa ka anay alkalde sang Manila kag katapo sang gamhanan nga pamilya Guerrero sa isa ka sikat nga serye sa telebisyon nga ginapasalida kada gab-i.
