Ginpanindugan ni Senate Sergeant-at-Arms Mao Aplasca nga “spliced” ang ginpaguwa nga CCTV footage may kaangtanan sa shooting incident sa sulod sang Senado sang Mayo 13, 2026.
Suo kay Aplasca, ginpili lang nga mga bahin sang video ang ginpaguwa agud suportahan ang isa ka partikular nga sugilanon.
Ginhatagan man niya sang importansya nga indi matuod ang mga pahayag nga wala sang pag-atake sa senado.
Una na nga ginrekomenda sang Philippine National Police (PNP) ang pagpasaka sang kaso batok kay Aplasca kag sa duha pa ka mga security personnel sang Senado may kaangtanan sa pagpangluthang nga natabo sa sulod sang Senado.
Suno sa PNP, mahimo sila mag-atubang sang paglapas sa Rules of Engagement kag sa mga probisyon sang Republic Act No.11917 ukon Private Security Services Industry Act.
Ginkumpirma man ni Aplasca nga nakabaton sila sang subpoena gikan sa PNP-Criminal Investigation and Detection Group bilang kabahin sang nagapadayon nga imbestigasyon.
Apang ginpanginwala sini ang alegasyon nga may mga tinago sila nga ebidensya kaangay sang CCTV footage kag mga armas.
Ginpahayag man ni Aplasca nga may yara sang security coordination meeting sa tunga sang Office of the Senate Sergeant-at-Arms kag sang GSIS Security Office sadtong Mayo 12 bilang preparasyon sa palaabuton nga impeachment proceedings.
