Hugot ang ginahiwat nga pag-monitor kag pagbantay sang mga personnel sang City Disaster Risk Reduction Management Office (CDRRMO) sa mga nagapadulong sa pila ka mga sementeryo sa syudad sang Roxas.
Sa interview sang Bombo Radyo kay Mr. Dennis A. Saneo, Head of Office/Incident Commander for Oplan Undas Deployment 2024 sang CDRRMO-Roxas, ginpahayag sini nga nakahatag ang ila personnel sang 6 tanan ka mga indibidwal nga nakabatyag sang pagpalanakit sang ulo kag pagtaas sang blood pressure tungod man sa init nga na eksperyensyahan sa Banica Catholic Cemetery.
Dugang pa sini, nakahatag man ang mga ini sang 600 tanan ka mga indibidwal nga nagpa-checkup sang ila nga mga blood pressure nga nagikan naman sa tanan nga mga designated areas sa mga sementeryo sa syudad.
Panugyan ni Saneo sa tanan nga mga nagapadulong sa sementeryo, mangin stay hydrated ukon mag inom sang madamo nga tubig kag mahimo nga magdala sang tubig, sa tion nga magbisita sa mga sementeryo.
