-- ADVERTISEMENT --
Nagpatigayon ang City Disaster Risk Reduction and Management Office (CDRRMO) sang pre-deployment briefing kag coordination meeting subong nga aga bilang kabahin sang temprano nga pagpanghanda para sa selebrasyon sang Undas 2026.
Sa nasambit nga sinapol, ginplastar ang deployment sang mga emergency responders kag law enforcement personnel, mga traffic scheme, kag iban pa nga tikang nga kinahanglan ipatuman agud masiguro ang hapsay nga pagdumala sang seguridad sa tion sang Undas.
Pinaagi sa koordinasyon sang nagkalain-lain nga personnel kag ahensya, ginatuyo sang CDRRMO nga masiguro ang kaluwasan sang mga pumuluyo nga magapadulong sa mga sementeryo agud magdumdom sa ila mga pinalangga nga nagtaliwan na.
