Nangin madinalag-on ang pagpatigayon sang Oplan Ligtas Undas 2026 sang City Disaster Risk Reduction and Management Office ukon CDRRMO sang Roxas City sa nagligad nga pagsaulog sang Pista minatay.
Sa interview sang Bombo Radyo kay Gilbert Fernando, Acting Head sang CDRRMO, iya ginpahayag nga nangin matalunsay ang ila operasyon bangud sa kooperasyon kag bulig sang nagkalain-lain nga ahensya sang gobyerno.
Suno kay Fernando, may yara man sang pila ka untoward incidents nga natabo sa tion sang Undas, apang gilayon ini nga narespondehan sang mga ginpangdeploy nga mga personnel.
Dugang pa sini, daku ang nangin papel sang koordinasyon sang nagkalain-lain nga ahensya agud masiguro ang seguridad kag kahilwayan sang publiko sa tion sang selebrasyon sang Undas.
