ROXAS CITY -Ginpasiguro sang City Disaster Risk Reduction and Management Office (CDRRMO) nga preparado ang lokal nga gobyerno sang siyudad sa pag-abot sang mga Locally Stranded Individuals (LSIs) sa probinsiya sang Capiz.
Ini ang ginpasiguro ni Mr. Dennis Saneo, City Disaster Risk Reduction and Management Officer sang mainterview sang Bombo Radyo.
Ginpahayag ni Saneo nga kapin sa 182 ka mga LSis ang mapauli subong nga adlaw 119 dri ang mga residente sang Roxas City samtang 62 ang residente sang nagkalain-lain nga kabanwahanan sa probinsiya.
Suno sa kay Saneo nga sakay ini tanan sa 2GO vessel nga gikan sa Batangas.
Samtang ginpasiguro naman ni Saneo ang hugot ang pagtuman sang health protocols sa culasi port agud mapasiguro nga hilway sa covid-19 disease ang mga nag-alabutan nga mga LSIs.
Suno kay Saneo nga ipaidalum sa thermal scanning ang mga LSIs kag i-disinfect ang mga gamit sini antes pasakyon sa salakyan nga ila pagasakyan.
Magluwas diri, igapaidalum man sa rapid testing ang mga LSIs kag ang mag negatibo ang igapaidalum sa strict home quaratine.
Mahibaluan nga ini ang pinakamadamo nga locally stranded individuals nga ginpapauli sang city government sa siyudad sang Roxas.
