Epektibo na ang ceasefire sa tunga sang Israel kag Lebanon.
Ginalauman nga matapos sini ang anum ka semana nga inaway sa tunga sang Israel kag sang Lebanese armed group nga Hezbollah.
Sa pihak sang pagka-epektibo sang ceasefire, padayon nga nagpalupok sang rockets ang Hezbollah sa northern Israel samtang ginreport man nga nagapadayon ang pag-atake sang Israel tunga sa oras matapos nangin epektibo ang ceasefire.
Ginpanindugan sang Israel nga magapabilin ang ila mga tropa sa mga lugar sa southern Lebanon.
May mga Lebanese man ang nag-umpisa nga magbalik sa Southern Lebanon, nga nangin sentro sang mga pag-atake sang Israel, kag ginapatihan nga amo ang kuta kag presensya sang Hezbollah.
Samtang nagkinasadya sa dalanon ang pila ka mga pumuluyo sa nagkalain-lain nga bahin sang Lebanon matapos nangin epektibo ang ceasefire.
Gin-abi-abi sang Iran ang 10-day ceasefire apang nagpanawagan sang kompleto nga pag-atras ang tropa sang Israel sa Lebanon.
Positibo naman si US President Donald Trump nga may yara sang kasugtanan agud tapuson ang gyera sa Iran kasunod sang ceasefire agreement sa tunga sang Israel kag Lebanon.
Ini ang yara man sa tunga-tunga sang ginalauman nga pagpadayon sang negosasyon subong nga weekend.
