Celebrity couple nga sanday Loisa Andalio kag Ronnie Alonte, ginkasal na

Kasal na ang celebrity couple nga sanday Loisa Andalio kag Ronnie Alonte.

Sa social media account sang aktor, nagpost ini sang laragway sang ila nga nga kasal.

Wala naman ini naghatag sang iban pa nga detalye kon diin kag san-o natabo ang kasal.

Gin-repost man sang aktres ang post sang aktor kun sa diin nagpasalamat ini sa mga nagtambong kag nagbulig sa ila kasal.

Matandaan nga sang Nobyembre 22, ginpahibalo sang aktres ang iya engagement sa iya nobyo sa publiko.

Samtang sang Nobyembre 26, kadungan sang ila ika-9 nga anibersaryo, ginpakigbahin sang aktor ang iya proposal.

Nagpalab-ot naman sang pagpanginbulahan ang pila nila ka mga abyan kag mga kaupod nga aktor pagkatapos sang balita nga ginkasal na sila nga duha.