Gin-angkon sang Boston Celtics ang kadalag-an kontra Philadelphia 76ers sa score nga 108-100 sa Game 3 sang ila NBA playoff series nga ginhiwat sa Philadelphia.
Nanguna sa Celtics si Jayson Tatum kag Jaylen Brown nga pareho nakapuntos sang 25 points Nagpakita si Tatum sang iya kusog sa fourth quarter, diin nakasulod siya sang 11 points nga nagbulig gid sa pagseguro sang kadalag-an. Nagdugang man si Payton Pritchard sang 15 points para sa Boston.
Sa bahin sang 76ers, si Tyrese Maxey nanguna nga may 31 points bisan pa sang mabudlay nga shooting night. Nagbulig man si Paul George kag Kelly Oubre Jr., apang kulang gid ang ila kusog sa ulihi sang duwa. Si rookie VJ Edgecombe nakahatag sang 10 points kag 10 rebounds pero indi maayo ang iya shooting.
Sa ulihi, ginpunggan sang Celtics ang pagbalik sang 76ers kag nakuha nila ang 2-1 nga lamang sa serye.
Ang sunod nga hampang pagahimuon liwat sa Philadelphia kun sa diin mangin kritikal ang Game 4.
