Kapin sa 20 ka tawo ang napilasan matapos ang mabaskog nga 5.7-magnitude nga linog nga nag-igo sa Shizuoka Prefecture sa central Japan sang kaagahon sang Domingo, Nobyembre 8.
Suno sa Japan Meteorological Agency, ang upper 5 intensity sa scale nga zero tubtob pito ang nabatyagan sa Chita City, Aichi Prefecture nga naga-utod sa Shizuoka. Walay gitaho nga hulga sa tsunami.
Gindugang sini nga ini ang labing una nga tion nga narekord ang pagtay-og sa Aichi humalin sang ulihi nga nabatyagan 30 ka tuig na ang nakaligad.
Nabatyagan naman ang lower 5 intensity sa Aichi, Shizuoka, Gifu, kag Nagano.
Ginabulubanta sang ahensya nga posible 41 kilometros ang kadalumon sa west sang Shizuoka ang epicenter sang nasambit nga linog.
Base sa report sang mga otoridad sa Higashiura sa Aichi, natublag ang suplay sang tubig sa pila ka bahin sang banwa sini.
Pila man ka mahina nga aftershocks ang ginreport.
