Gin-anunsyo sang Commission on Higher Education (CHED) nga indi anay nila pagtugutan ang pagtaas sang tuition fee sang mga higher education institution (HEIs) sa pungsod sa tunga sang krisis.
Sa isa ka press briefing parte sa mga bag-o nga programa sa edukasyon, ginpahayag ni CHED Chairperson Shirley Agrupis nga madamo sang HEIs ang nagapangayo kuntani nga makapataas sang tuition bangud sa pagtaas sang gasto sa operasyon.
Apang, ginpangabay sang CHED ang mga eskwelahan nga ipalantaw anay ang ila plano sa tuition increase, kay indi ini ang nagakaangay nga tion sa tunga sang kahimtangan nga economic challenges.
Suno kay Agrupis, napalab-ot na nila ang ini nga panawagan sa mga institusyon kag ginapaboran man ini sang mga eskwelahan.
Ginpabutyag man sang CHED nga padayon ang ila koordinasyon sa mga HEIs agud matutokan ang mga isyu sa tuition fee kag masiguro nga indi sobra nga maapektuhan ang mga estudyante.
