Ginpakigbahin ni Miss Universe Philippines 2024 Chelsea Manalo ang katungdanan sini bilang Miss Universe Asia nga kabahin sang continental queens sang Miss Universe Organization.
Suno kay Chelsea katungdanan sini nga buligan ang Miss Universe Organization sa ila mga Charity works kun sa diin makaupod sini ang iban pa nga mga continental queens nga sanday Miss Universe Peru bilang Miss Universe Americas, Miss Finland bilang Universe Europe, kag Miss si Nigeria bilang Miss Universe Africa and Oceania.
Gin-athag man ni Chelsea nga ang continental queens ang mangin parte sang mga opisyal nga ginadumala sang Miss Universe organization tubtob matapos ang bug-os nga tuig sang pagpungko ni Miss Universe 2024 Victoria Kjær Theilvig.
Ginpakigbahin pa sang Pinay beauty queen ang experience sini sadtong nakaligad nga bulan nga kumpetisyon kun sa diin suno sa iya nagguwa ang iya nga confidence nga mas labi nga nagpabakod sa iya personalidad pagbalik diri sa Pilipinas.
Matandaan nga nakuha ni Chelsea ang ‘best in national costume’ matapos ini gin-anunsyo sang owner sang Miss Universe nga si Anne Jakrajutatip.
Gani isa ka back to back experience ang nabatyagan sang Pinoy fans bangud mahibaluan sadtong 2023 nagdaog man sang ‘best in national costume’ ang pambato sang Pilipinas sadto nga si Michelle Dee.
Samtang ini na ang pang-apat nga kadalag-an sang Pilipinas sa best in national costume sa kasaysayan sang Miss Universe competition.
