Ginkumpirmar ni Ukraine President Volodymyr Zelensky nga tgin-go sang drone attack sang Russia ang wasak nga nuclear power plant sa Chernobyl.
Suno kay Zelensky, nag-igo ang Russian attack drone nga may high-explosive warhead sa isa ka shelter nga nagaprotekta sa kalibutan nagikan sa radiation ukon sa 4th power unit.
Pahayag naman sang Ukraine’s State Emergency Service nagapabilin nga yara sa normal limits ang radiation nagikan sa nuclear plant.
Ginsiling man ni Zelensky nga ang konkreto nga shelter nga nagasagang sa unit ang nawasak kag ang kalayo nag-igrab kung sa diin maswerte nga napatay bangud significant ang halit sa shelter base sa initial assessment.
Mahibaluan una nga gin-igo ang Unit 4 sa Chernobyl malapit sa border sang Ukraine sa Belarus kung sa diin naglupok sadtong 1986.
Samtang, natabo naman ang pag-atake pila ka oras antes ang pagsugod sang high-level Munich Security Conference sa Germany kung sa diin natalana nga makigkita si US Vice President JD Vance kay Zelensky.
Ini sa tunga sang anunsyo ni US President Donald Trump nga gilayon pagsugod sang negosasyon agud untatan ang giyera sa Ukraine matapos ang produktibo nga paghinala nila ni Russian President Vladimir Putin sadtong Miyerkules.
