Chicken imports sang pungsod, ginalauman nga magataas sang halos 15% sa 2027

Ginalauman nga maga-import ang Pilipinas sang 780,000 metric tons sang manok sa tuig 2027 agud masabat ang nagasaka nga demand suno sa United States Department of Agriculture ukon USDA.

Base sa report sang USDA, halos 15% ini nga mas mataas kon ipaanggid sa ginabulubanta nga 680,000 metric tons sang importasyon subong nga tuig.

Sa amo man nga tion, ang lokal nga produksyon sang manok ginalauman man nga magataas sang 7.8% sa masunod nga tuig, nga nagalab-ot sa 1.92 million metric tons gikan sa ginabanta 1.82 million metric tons subong nga tuig.

Suno sa USDA, ginalauman nga suportahan ini sang pagpasangkad sang poultry farms, paggamit sang mas episyente nga teknolohiya kag pagpauswag sang genetics kag training sang mga farm personnel.