ROXAS CITY-Nagpamalibad nga maghatag sang sabat ang Chief of Hospital sang Mambusao District Hospital natuhoy sa reklamo sang isa ka anak matapos nga wala ginhatagan sang bulong ang amay nga ginkagat sang kuring sa Barangay Agloloway, Jamindan, Capiz.
Nahibaluan nga nagpamalibad ini nga magpalayag sa kahanginan apang ginpahayag sini nga wala niya na ginpatawag ang mga staffs sa emergency room ilabi na ang attending physician bangud wala man sang reklamo nga nakapalab-ot sa iya talatapan.
Apang, suno kay Luching nga ang attending physician nga ginatumod kag ginareklamo amo si Dr. Lourdes Martin.
Ginkumpirmar ni Martin nga wala sini gin-atubang ang nasambit nga mister bangud masako ini rason nga gin-abisohan na lamang nga magbalik sa nasambit nga ospital sa madasun nga adlaw.
Matandaan nga nagpalab-ut sa Bombo Radyo ang himata sang mister nga ginkagat sang kuring matapos nga wala ginhatagan sang bulong sang amo nga ospital.
