ROXAS CITY – Nagdepensa ang chief of Hospital sang Roxas Memorial Provincial Hospital (RMPH) matapos ginaalegar nga napatay ang apat ka mga pasyente sa sulod sang Intensive Care Unit (ICU) bangud wala sang generator set nga ginagamit.
Suno kay RMPH Chief of Hospital Dr. Ramon Alex Nolasco nga matuod nga makatatlo ka beses nga napatay ang generator set apang indi ini ang rason sa pagkapatay sang apat tanan ka pasyente.
Gin-athag ni Nolasco nga ginpangita-an nila sang solusyon agud mabalik ang suplay sang kuryente sa generator set.
Ginpahayag ni Nolasco nga nagaandar ang generator sang set oras nga napatay ang apat ka mga pasyente.
Ginklaro ni Nolasco nga sumugod nga napatay ang kuryente mga alas tres sang kaagahon sang Disyembre 25, 2019 gilayon nga ginpaandar ang generator agud maggamit ang mga pasilidad sa sulod sang ICU.
Gindugang ni Nolasco nga wala sang may nabaton nga mga written complain ang RMPH natuhoy sa pagkapatay sang mga pasyente.
