MANILA, Philippines – Ginpakigbahin ni Chief of Philippine National Police Police General Jose Melencio C. Nartatez Jr., ang accomplishments sa nagkalain-lain nga kriminalidad nga nagnubo sang 36 ka percent sa bulan sang Hulyo 2026.
Sa ginpatigayon nga press briefing sa Camp Crame subong nga adlaw, ginpahayag ni PGen Nartatez Jr., nakarekord ang PNP sang 2,209 ka focus crime incidents humalin Hulyo 1 tubtob 31, 2026; isa ka pagnubo kun ikumpara sa 3,458 nga narekord sa tuig 2025.
Lakip sa ginatutukan nga krimen amo ang carnapping, homicide, murder, physical injury, rape, robbery, kag theft.
Suno kay PGen Nartatez Jr., ang rape case ang may daku nga pagnubo nga yara sa 56.93 percent, carnapping sang motor vehicles sang 46.15 percent, theft 31.28 percent, homicide 5.26 percent, kag ang murder nagnubo sang 4.61 percent.
Pahayag pa niya 6,368 ang suspek ang naaresto sa 5,526 anti-drug operations nga ginpatigayon sang Hulyo, kun diin narekober ang P387M nga balor sang droga, samtang arestado man sang katapo sang kapulisan ang 2,352 nga ginakabig nga most wanted persons kag 5,847 bilang other wanted persons.
Dugang pa sang natungdan 965 ka mga indibidwal ang gin-aresto bangud sa paghupot sang iligal firearms, samtang 3,724 ka armas ang ginkumpiskar bangud sa paglapas, kag 1,106 ka armas naman ang boluntaryo nga gin surrender.
Sa kampanya kontra iligal anti-illegal gambling 9,401 indibidwal ang na aresto sa 4,631 ka operasyon, sqamtang naglab-ot naman sa P3.2M ang nakumpiskar bilang pot money.
Sa karon 656 ka indibidwal ang arestado bangud sa ginaalegar nga pagduso sang smuggling sa 2,927 ka operasyon, kun sa diin nakumpiskar ang P628M nga balor sang ginapatihan kontrabando.
