ROXAS CITY – Ginkumpirma sang regional director sang Police Regional Office (PRO6) nga posible ma-relieve ang isa ka hepe sang pulisya sa isa ka police station sa probinsiya sang Capiz, kun mapamatud-an nga malapit ini sa isa ka kandidato nga nagapapili sa isa ka posisyon sa May 13, midterm elections.
Suno kay Police Brigadier General John Bulalacao nga padayon ang validation kag imbestigation sang talatapan sa impormasyon nga nakalab-ot sa ila angut sa lalaki nga chief of police nga malapit ang relasyon sa isa ka kandidato.
Liwat ginpahanumdum sang opisyal ang kapulisan nga mangin apolitical sa eleksyon kag sundon ang ila mandatu nga siguraduhon nga mangin malinong kag matawhay ang eleksyon.
Nahibaluan nga nakabaton sang impormasyon ang PRO6 gikan sa isa ka concerned citizen angut sa closeness sang amo nga chief of police kag sang nagapapili nga kandidato sa isa ka posisyon.
