Ginpamatukan ni Armed Forces of the Philippines Chief of Staff General Romeo Brawner Jr ang mga panawagan nga bawion sang militar ang suporta kay Presidente Ferdinand Marcos Jr.
Sa isa ka forum, ginbuyagyag sang hepe sang AFP nga may mga retired officers gikan sa Armed Forces nga nagpalapit sa iya kag nagatinguha man nga kumbinsihon ang pila ka mga lamharon nga opisyal kag kumander nga magpasilabot sa nagkalainlain nga paagi sang interbensyon militar, posible paagi sa kudeta ukon junta militar agud “i-reset ang bug-os nga Philippine society” ukon bawion ang suporta sa Presidente.
Nahibaluan nga natabo ang ang nasambit nga tikang sang anti-Marcos antes ang massive anti-corruption protest sang Setyembre 21 kasunod sang pagbuyagyag sang mga maanomaliya sa flood control projects.
Apang suno kay Brawner, wala sang kaangay nga aktibidad nga natabo sa tion sang putukputukan sang protesta.
Apisar nga may mga kasubong nga panawagan sa tion sang mga rally, ginpahayag sini nga ila ini ginpalab-ot sa Presidente bilang Commander-in-Chief kag suno sa iya wala maguba ang pagsalig sang Presidente sa AFP.
Madumduman nga una na nga ginpanginwala sang Department of National Defense (DND) ang mga suspetsa angut sa posible kudeta militar batuk sa administrasyon ni Marcos.
