Roxas City – Ginpasiguro sang Department of Education (DepEd) Region 6 nga indi pagbalewalaon ang insidente sang bullying sa pampubliko ukon pribado nga eskwelahan sa Western Visayas.
Ini ang ginpahanumdom sang ahensya partikular na sa pampubliko nga buluthuan nga dapat may child protection committee nga maga-cater sa kaso sang bullying.
Ginpahayag ni Dr. Lea Belleza ang Information Officer sang DepEd-6 dapat ipatuman sa mga eskwelahan ang pagsulundan angut sa Child Protection Act of 2013 kasubong sang paghatag proteksyon sa mga estudyante batuk sa bullying.
Suno diri nga makaapekto ang bullying indi lamang sa pinsar sang isa ka estudyante subongman sa pag-eskwela sini. Nahibaluan nga nagtingob pwersa ang Philippine National Police (PNP) kag Department of Education (DepEd) para sa anti-bullying campaign sa mga eskwelahan kadungan sang pagbukas sang klase para sa school year 2019-2020
