Ginpahanumdom sang Child Protection Specialist sang Capiz ang importansya sang guidance counselors sa mga eskwelahan agud mabuligan ang mga estudyante nga may ginadala nga mga problema kag malikawan ang bullying.
Sa interview sang Bombo Radyo kay Ivy Olvido, Education Program Specialist II kag Child Protection Focal Person, iya ginpahayag nga bisan limitado ang numero sang nga registered guidance counselors sa probinsya, mahimo sa gihapon nga magkadto sa ila ang mga estudyante nga nagakinahanglan sang bulig.
Suno kay Olvido, importante ang pagpakig-angot sa guidance counselors agud mahatagan sang nagakaigo nga intervention ang mga kabataan, ilabi may yara sang sa seryoso nga mga kaso.
Paagi sini, mahimo man nga malikawan ang nagkalain-lain nga porma sang bullying kag iban pa nga problema sa sulod sang mga eskwelahan.
