Chile, gintay-og sang magnitude 7.4 nga linog

Gintay-og sang magnitude 7.4 nga linog ang kadagatan nga bahin sang Chile.

Nagluntad ang linog sa kalayuon nga 219 kilometros sa baybayon sang syudad sang Ushuaia, border sang Argentina, kag may kadalumon nga tubtob 10 kilometros.

Bangud sa insidente, nagpagwa sila sang tsunami warning sa diin nakaeksperyensya sila sang pila ka mga aftershocks sa lugar.

Ginmandu man ni Chilean President Gabriel Boric ang pag-evacuate sang mga residente malapit sa amo nga lugar.

Naglab-ot sa 1,700 ka mga tawo gikan sa rehiyon sang Magallanes, lakip ang 1,000 gikan sa banwa sang Puerto Williams kag 500 ka mga tawo gikan sa Puerto Natales, ang gin-evacuate sa mas mataas nga lugar.