Ginbitay sang China ang 11 ka mga katapo sang pamilya Ming, nga ginakabig nga isa ka notorious mafia nga nagapadalagan sang multibillion-dollar scam industry sa Myanmar.
Ginsentensyahan sila sang kamatayon sang korte sa probinsya sang Zhejiang China sang Setyembre matapos nga napamatud-an nga nagkasala sa madamo nga kaso sang pagpatay, illegal detention, pagpangdaya kag pagpadalagan sang isa ka sugal.
Ang mga Ming isa sa pila ka mga clan nga nagadumala sang banwa sang Laukkaing sa Myanmar, nga ginhimo nga hub sang mga casino kag sex trade.
Nahibaluan nga nagtakop na ang ila empire sang tuig 2023 sang sila ang ginpangdakop kag gintugyan sa China sang groupo sang mga Militias nga nagsakop sa Laukkaing town sa tunga sang civil war sa Myanmar.
Ang nasambit nga pagbitay sa mga miyembro sang mafia nagapadala sang mensahe sang deterrence ukon pagtapna sang China sa mga nagatinguha sa paghimo sang mga scam activities.
