BEIJING, China – Nagpaandam ang China sa United States nga indi pagdal-on ang “konflikto kag kagamo sang giyera” sa Asia-Pacific kasunod sang plano nga magtukod sang “Ammunition Facility”, sa Pilipinas.
Ini nga tikang ginahingadlan sang Partnership for Indo-Pacific Industrial Resilience (PIPIR), nga ginabug-usan sang 16 ka pungsod lakip ang United Kingdom, Australia, Japan, South Korea kag Pilipinas.
Suno sa foreign ministry sang China, ang posible nga pasilidad mahimo magdala sang kawad-on sang estabilidad sa rehiyon kag mahimo pa magbalik bilang problema sa mga nagasuporta sini.
Padayon nga naga-init ang tensyon sa tunga sang China kag Pilipinas bangod sa ginabahin-bahin nga teritoryo sa South China Sea.
Ginpahayag sang Beijing nga padayon nila nga depensahan ang ila gin-angkon nga teritoryo kag seguridad bisan pa sa mga nagaluntad nga isyu sa rehiyon.
