Ginkwestyon sang Chinese Embassy ang papel ni Defense Secretary Gilberto Teodoro Jr. sa operasyon sa Sanjia Steel Corporation sang Mayo, ilabi na sa ginaalegar pagpasilabot sini sa isa ka Law enforcement operation.
Suno sa Chinese Embassy, kinahanglan nga ipaathag ni Teodoro kun ngaa gin-alegar nagpatunga ini sa kasubong nga operasyon nga nagresulta sa pagkadakop sang pila ka mga Chinese workers.
Bilang sabat, ginpahayag ni Department of National Defense (DND) spokesperson Arsenio Andolong nga wala sang dumuluong nga gobyerno ang may kinamatarong nga magpangayo sang paathag sa ahensya angut sa internal affairs sang Pilipinas.
Ginkabig man ni Andolong nga pagpanghilabot sa internal affairs sang pungsod ang pahayag sang Chinese Embassy kag nagpanindugan nga padayon nga ipatuman sang gobyerno ang nasambit nga kasuguan.
Ginapanindugan sang DND, nga indi sini pagtugutan ang iban nga pungsod nga mag-impluwensya sa law enforcement sa teritoryo sang Pilipinas.
