Arestado ang isa ka Chinese national sa Ninoy Aquino International Airport (NAIA) sang Enero 22, 2025, matapos testingan nga magpadulong sa China gamit ang peke nga working visa, suno sa Bureau of Immigration (BI).
Ginkilala ang suspek nga si Li Xuanjun, 23-anyos, nga nabalabagan sang mga immigration officer sa NAIA Terminal 3 antes ang nakatalana sini nga flight padulong sa Quanzhou, China.
Ang pagkadakop kay Li amo bangud natukiban sang mga awtoridad nga peke ang working visa sini. Gin-isyu ang visa kay Li sang 2023, apang ginkanselar ini sang BI matapos maghiwat sang imbestigasyon matapos makita nga indi tama ang mga impormasyon sang suspek sa aplikasyon sini.
Diri natukiban sang ahensya nga ang working visa ni Li ang nahatag base sa isa ka peke nga employer-company nga nagsumiter sang petisyon para sa iya. Pero sang gin-imbestigahan sang BI ang pag-check sa Securities and Exchange Commission (SEC) kag Department of Trade and Industry (DTI) license sini, ‘wala sang nakita nga record ang nasambit nga kumpanya.
Bangud sini, gin-deklarar nga null and void sang BI Board of Commissioners ang visa ni Li.
Ginkumpirmar ni BI Commissioner Joel Anthony Viado ang pagka-aresto kag ginsiling nga si Li ang iga-deport bangud sa pagiging “undesirable alien” sini tuga sang ginhimo nga pagdaya sa aplikasyon sini. Ang pangalan ni Li ang ginlakip na sa blacklist sang BI, rason nga indi na ini makasulod pa liwat sa Pilipinas.
