Nagpatigayon sang maid-id nga imbestigasyon ang Bureau of Immigration (BI) kaangut sa kaso sang isa ka babaye nga Chinese national nga nakasulod sa pungsod apisar wala sang record.
Naharang ang 23-anyos nga si Zhang Zimo sa Ninoy Aquino International Airport (NAIA) Terminal 3 sining June 15 sang magagikan na ini sa pungsod kag padulong sa Guangzhou, China.
Wala na ginhatagan sang departure clearance ang nasambit nga babaye matapos makita nga wala sang arrival stamp nagikan sa Immigration ang iya passport.
Wala man may nakita nga record sa pag-abot sa pungsod ni Zhang sa datos sang Travel Control System.
Bangud sini, ginmanduan na ni Immigration Commissioner Norman Tansingco nga magpatigayon sang maid-id nga imbestigasyon kun paano ini nakasulod sa pungsod sang nga wala ini nag-agi sa inspeksyon.
Sa karon, nakakulong sa BI Warden Facility sa Camp Bagong Diwa ang Chinese national samtang ginakay-o na ang deportation proceedings.
