Gina-imbestigaran na sang Presidential Anti-Organized Crime Commission (PAOCC) ang mga report angut sa mga Chinese national nga nagabakal sang mga duta sa Central Luzon.
Ginbuyagyag ni PAOCC chief Gilbert Cruz nga nakabaton sila sang impormasyon nga pila ka Chinese nationals ang nagarenta ukon nagabakal sang mga property kag nagabayad pa sang tubtob P90,000 kada ektarya sa mga bukid.
Pag-eksplekar sang opisyal nga sa baylo nga magtanum ang mga mangunguma, ginabayaran na lamang sila sang mga Chinese kag gina-upahan ang mga bakante nga lote kag ang mga Chinese na ang bahala kun ano ang ila gusto himuon sa mga duta.
Ginpahayag sang PAOCC official nga kinahanglan ini nga maimbestigaran bangud nagapakita ini sang posible mga problema ilabi na sa pag-kontrol sa mga lokal nga ulumhan.
Ang nasambit nga rebelasyon sang PAOCC official sa tunga sang ginapasangkad nga nationwide crackdown sang POGO hubs sa pungsod kun sa diin mga dayuhan ang kun kaisa naangut partikular na ang mga Chinese nga naulamid sa mga ilegal nga aktibidad ksaubong sang human trafficking.
