Ginpaandaman ni Chinese President Xi Jinping si US Pres. Donald Trump nga ang relasyon sang China kag US mahimo magtuga sang “inaway ukon seryoso nga komprontasyon” kon maghimo siya sang sala nga tikang sa isyu sang Taiwan.
Ginpahayag ni Xi ang mga pahayag sa tion sang ila pormal nga summit meeting sa Great Hall of the People sa Beijing, kon sa diin ginpahayag niya nga ang Taiwan amo ang pinakaimportante nga isyu sa relasyon sang duha ka pungsod.
Suno kay Xi, mangin delikado ang epekto kun indi ma-handle sang husto ang isyu sa Taiwan.
Samtang, gindayaw naman ni Trump si Xi bilang isa ka “maayo nga lider” samtang nagatutok ini sa mga isyu sa negosyo kag sa trade war sang US-China.
Nahibaluan nga ang paandam nagguwa matapos gin-aprubahan sang US ang pagbaligya sang armas sa Taiwan nga hugot nga ginpamatukan sang China.
