ROXAS CITY – Ginkumpirma sang pinuno sang Revenue District Office 72 nga indi rehistrado sa syudad sang Roxas ang Chiyuto Creative Wealth Document Facilitation Services (CCWDFS).
Ginpahayag ni Eralyn Aro nga ba-se sa data base sa ila nga talatapan, wala nakapa-rehistro ang Double your Money Scheme ni Patroceño Chiyuto, apang sa iban nga district office sang BIR, may registration ang head office sang negosyo ni Chiyuto.
Suno sa opisyal nga sa naga-branch out nga kasubong sang negosyo sang CCWDFS, dapat may registration sila sa district sang ahensiya sa diin may yara sila sang operasyon.
Aminado si Aro nga sa karon wala pa nakapa-rehistro ang Double Your Money Scheme ni Chiyuto sa pihak sang notisya nga ginpalab-ot sa ila sang BIR District Office 72.
Nagakadapat man nga magbayad sang nagakaigo nga buwis ang nasambit nga negosyo santu sa ila nangin deklarasyon.
Ginklaro man ni Aro nga indi sila maka-check sa ila lebel angut ginabayaran sang CCWDFS, bangud wala ini sa idalum sang District 72.
Apang mahimo lamang sila maka-request kun diin ini nga negosyo nakarehistro, apang sa natungdan nga revenue district ini magabayad sang buwis.
