-- ADVERTISEMENT --
Nabuyagyag sa impeachment trial ni Vice President Sara Duterte nga ang Christmas party, tree planting, medical missions kag pagpanagtag sang wheelchairs ang pila sa mga aktibidad nga gingasto sang confidential funds sang OVP sang Disyembre 2022.
Suno sa supervising auditor sang COA nga si Xylene Mae Del Ocampo, ginhiwat ang mga aktibidad halin Disyembre 13 tubtob 31, 2022.
Nahibaluan man sa hearing nga pila sa mga aktibidades ang ginpatigayon antes ginpaguwa ang cash advance sang Disyembre 21.
Suno kay Del Ocampo, ginadumilian sang pagsulundan sang COA ang paggamit sang confidential funds agud i-reimburse ang mga gasto nga nahimo antes pa man ginpagwa ang pondo.
